九龍東皇冠假日酒店Crowne Plaza Hong Kong Kowloon East的尚廚The Chef's Table

之前黎尚廚食過海南雞飯,水準合格,但無咩特色.今次路經POPCORN呢個商場,總係覺得無咩選擇,所謂都係行去皇冠假日酒店,重投尚廚懷抱.

雖然係星期五,但只有8成爆滿左右,亦都係咁我順利有位坐.

一個人食PIZZA又好似太多,服務員話食唔哂拎番屋企咪得.又O岩姐.於是就叫個 HAWAIIAN PIZZA$130試下,加杯COCKTAIL BLUE SKY$78 RELAX一番.

最後飲杯$45 ICED TEA完場,茶味夠濃就行.打包2小件PIZZA回家比人食,與眾同樂.

無來一段時間,MENU又唔同左,之前好似有自選PASTA,依家消失左.但係食物款式好似多左.又例牌問下服務員有咩好食,佢話呢度既PIZZA同漢堡都係唔錯.心想終於有人唔係答海南雞飯.

見到有呢個牌寫住自助餐卷資料,我又係度計下數,姐係27% OFF左右,如果成日黎食都唔錯.仲送張咩美食卡.建議講解下張卡有咩用

BLUE SKY$78 ,最欣賞呢類咁鮮既顏色,飲落去無咩VODKA既苦,以雪碧既味道為主,加上少少檸檬清香,在寧靜的晚上自我陶醉了(其實好嘈)

HAWAIIAN PIZZA$130,約7吋大,餅底帶麵粉香,蕃茄底夠咸酸,每片都放有1舊輔微焦既辣肉腸,脆得來肉香十足,補充了其他味道的不足.少左呢舊肉差好遠.同時火腿,蕃茄仔和波羅亦係不能缺少.PIZZA切開12件,細細件食起黎好方便,食下食下不其然食左10件,十分滿足.呢個PIZZA$130十分便宜,性價比幾高.誰說酒店一定貴

尚廚 The Chef's Table

地址:將軍澳唐德街3號香港九龍東皇冠假日酒店1樓

電話:3983 0688