愉景灣酒店的自助餐

其實都唔係好多人記得我生日,但係總有人好熱心咁樣同我慶祝.咁生日飯當然唔洗我比錢,但係朋友就話完全無聽話愉景灣有酒店,咁我就順勢BOOK埋O個度既自助晚餐啦.順帶一提我建議食呢度既晚餐係有私心,因為呢度已經成為我第一間食齊早,午,晚自助餐既酒店

雖則係2個麻甩,但係BOOK位時要求有WINDOW SEAT,果然做得到.自助晚餐價錢為$428加1,由6點半食到10點

一開始當然係拎海鮮,呢度係無龍蝦既,有點失望,但係有大頭蝦可以補償番心靈既空虛.蝦肉大大件,咬落爽口無渣,蝦味雖不太濃,但係呢種大大口食蝦既滋味真係非蝦毛可比美.蝦頭雖大,但係膏就不多.其實可以考慮將蝦頭炸左佢比食客.

除左比較貴價既大頭蝦外,蟹腳都係必食,肉鮮甜不過咸,肉汁豐富,食過不停.其他海鮮仲有螺,蝦,龍蝦鉗.扇貝和龍蝦仔.見到呢個陣容,還是留番精力強攻蟹腳和大頭蝦

呢度仲有我最愛既BBQ,由廚房係露天AREA即席燒烤,當中最好味既係燒羊架,肉嫩無比,羊味濃,生熟度中等.另外燒牛肉亦都十分JUICY AND TENDER,必食喔,見到紅色粉嫩既肉,好似我既肌膚一樣燒蟹腳既味道其實比冷盤既更濃味,更為可取.

剌身都係常見既吞拿魚,三文魚和墨魚,三文魚最好,因為此為最濃味,又夠滑溜既魚肉,難怪成為香港人的最愛.吞拿魚就一定難食,又多渣.

呢度既飲品都係任飲,啤酒汽水檸茶檸水咖啡任你拎

沙律菜當然新鮮,醬汁自行配合,係自助餐既公式,呢度亦絕無例外.另外我就食左HAM同蜜瓜,咸香油潤既風乾肉加上甜甜蜜蜜既哈蜜瓜就是絕配.

食食下朋友建議食番點菠蘿,因為佢話汁液可以加速消化,持久力更強

話咁快食到天黑

由於知道燒蟹腳好好食,都不斷去拎,先多謝係高溫下戶外煮食既廚師

跟手再自製一杯熱檸茶走甜,清清味覺

再食一堆沙律菜,令自我感覺更良好.呢度既熱盤選擇不多,亦不算吸引,所以都好少食.建議加個即煮麵檔,可以為食客帶來更多選擇喔

再食埋平時唔食既甜品

大戰至9點,其實都已經去到爆肚既階段,但係我都要用盡全力,食埋4隻大頭蝦同2件蟹腳,以答謝朋友請客之意

仲要食左6件,其中2件係朱古力心太軟,因為實在太香甜,攪到我失左分寸,另外焦糖燉蛋面頭既脆脆糖亦令到我難以自拔,失守不食甜品為傲呢一關

為左令朋友對我既印象改觀,都食番幾件生果,以表我係綠色新人類既身份,而唔係食肉獸之流.食到呢度,我已經無哂進食既慾望,收工回家.

埋單應該係$941.6,再次多謝朋友請客.希望下年可以再請我食過

Cafe Bord De Mer 海玥

地址:愉景灣海澄湖畔路88號香港愉景灣酒店地下

電話:22958288