香港盛貿飯店Traders Hotel Hong Kong的馬來一菜館 Café Malacca

車胎人推介餐廳馬來一菜館一直在都係我心中想試餐廳LIST中,等了好耐,無緣見面,原因就係太遠了,地鐵唔到麻.但一些不好的事情發生,做就我到了瑪嘉烈醫院探望.晚餐就和家人齊齊到這裡輕鬆一下吧.

座位不算太舒適,梳化位好霸氣,使你不能背靠椅背

$118 海南雞,雞肉不夠嫩滑,彈性亦不足,雞味亦不見濃郁,下了甜醬油,輕微提鮮.

油飯就以香料味為主,雞油感不太強烈,不是令到我好驚喜那種每口雞油香的感覺.飯粒濕度適中.

$28 桔仔水,清清酸酸甜甜,十分開胃,擁獨特既香氣,不是一般LIME能做到,所以必飲(但距離原味好遠)

$68 炸雞,雞肉炸得極為乾,雞肉沒有肉汁,調味幾近沒有,香料味亦好淡,食不出是什麼風格.失敗之作

$?? 馬拉盞炒菜,醬夠濃,菜索了醬汁極為惹味,不愛菜之仕亦會愛上,把其掃光

$68 炒蘿蔔糕,蛋加上甜醬油,蝦米等等材料與蘿蔔糕炒香,把單調既蘿蔔糕變成重口味既小食,咸甜辛混為一體,加上濕潤既蛋,十分美味
單純以車胎人推介餐廳的度來看,我認為是不能接受的,有些菜式有好大改善空間.海南雞,炸雞為首要改良既地方.希望下次來會有更佳表現

馬來一菜館 Café Malacca

地址:西環皇后大道西508號香港盛貿飯店2樓

電話:2213 6613

香港萬麗海景酒店Renaissance Hong Kong Harbour View Hotel的萬麗咖啡室 Cafe Renaissance

其實萬麗既餐廳除左中菜外,都食過好幾次

今次入黎打算食個輕食,雖然最後都係勁食

以酒店餐廳來講,呢度既MENU係十分罕有地少選擇,直覺話比我聽,選擇少,通常都好食,因為比較專

(但普遍男性既直覺係比較差)

檸茶SIZE比較細杯,好輕易飲幾口就用哂來解辣

最後飲左2杯,服務員見到我咁痛苦仲主動FREE左我一杯,

好感動

麵包中只食了左面個條,芝士和煙肉,OLIVE之類既餡,很RICH和香

$108 龍蝦湯,份量十足,龍蝦味強勁,不太咸,仲有唔少龍蝦肉係入面,龍蝦肉很爽.絕對係貨真價實既龍蝦湯

夠CREAMY,而且最喜歡既一點係帶少少燒焦香氣,比起好多地方優勝

$118 香辣意大利粉,份量也是巨型,意粉AL DENTE,蒜頭是比較粗粒帶口感,辣椒味十份出位,加上OLIVE 

OIL撈一撈後,增加油潤口感.香芹味就完全被辣椒和蒜頭覆蓋,仲好我唔太好.但要注意係真係幾辣,我都算

食得辣都食到勁飲檸茶.BY THE WAY 咁先好食

味道,服務都滿意,比起上次LUNCH BUFFET經驗更佳

萬麗咖啡室 Cafe Renaissance

地址:灣仔港灣道1號香港萬麗海景酒店閣樓

電話:2584 6970

富豪東方酒店Regal Oriental Hotel的華岸酒吧餐廳 The China Coast Pub + Restaurant

如果係九龍城迷路,又唔知呢頭有咩好食,通常都會去番富豪酒店既餐廳,我諗無咁容易中伏.今次番黎華岸酒吧食晚餐,因為會員卡送了張500蚊既優惠卷比我.

無黎一排,MENU已經唔同了.以往我係有扒類係,如牛扒和豬扒類,出品水準亦不差,依家整頭消失了,取而代之係類似酒吧食品如漢堡吧,炸物等等,亦有少量意粉.但一心想食扒既我們,又難免有失落感.

(但係我剛剛去了其網頁,又見到MENU出現了扒類,實在難以捉摸)

價錢忘記了,約$80 的凱撒沙律,件頭十足,醬是自己撈,有點麻煩,我地一向係HEA底,又要自己出手....醬汁咸香味十足,亦有蒜香,沙律菜新鮮,包粒夠脆但略為大舊,口感不太完美.但呢個份量我好滿意

$155龍蝦比目魚漢堡,用龍蝦和比目魚肉打成扒,加了一些香草和青紅椒之類,味道非常濃厚,質感係比較軟身,魚肉鮮甜,亦食到一粒粒的龍蝦肉,材料豐富.伴碟的選擇了twister fries,調味比一般薯條更重,多左份香辛感.

$90 小食併盤,雞翼兩味,魷魚,薯皮,全部都不合格,勁為油膩,脆漿略厚,而且調味單調,特別是魷魚.要全面改善

埋單補了20蚊,當然感覺抵食.但自問埋單原價要520左右,價錢亦公道,所以抵食上係要比高分一點.食物亦被小食併盤影響了不少分數

期待下次有更出色表現

華岸酒吧餐廳 The China Coast Pub + Restaurant

地址:九龍城沙浦道30-38號富豪東方酒店大堂

電話:2132 3393

香港怡東酒店The Excelsior Hong Kong的雙城吧 Dickens Bar

英超係8月16號開鑼,唔洗諗緊係出街睇先夠氣氛,雖然屋企都有得睇,但係第一日最緊要有FEEL.最後簡左中外球迷都愛到既雙城吧,感受熱烈既睇波樂趣

食物選擇真不少,如果怕貴,叫個漢堡即時收工.但係想食得開懷o的,就咩都叫下

$78 Poutine Chips芝士燒肉汁薯條,呢個真係唔叫唔得,粗粗的薯條肉質飽滿,芝士將薯條結合成一體.底下堆滿Gravy,濃濃肉汁將味道升華,脆脆的薯條被燒汁浸到又軟又硬,食到停唔到口

$178 Tasting Platter ,呢個口道就好壞參半,有水牛雞翼,魷魚.辣椒芝士和雞肉薄餅.我最愛既辣椒芝士芝士味出奇地好淡喔.雞翼既肉質亦比較乾,失望.係雞肉薄餅比較出色.

食咁熱氣既野,當然要飲番o的鬼佬涼茶--$49 Strongbow Cider啦.當蘋果汽水飲,清爽香甜,唔小心真係會醉左

一整開佢,見到入面收埋左一大堆肉醬,唔係平時食開那些蕃茄味肉醬,而係同gravy味道好接近既風味,而且重要再濃o的,仲有肉碎各雜豆,味道好重口味,撈埋薯蓉食,我喜愛喔

雖然叫既都唔算係主食,但咁樣就飽左.場波雖然不算太精彩,但係英超始終有種迷人吸引力

雙城吧 Dickens Bar

地址:銅鑼灣告士打道281號香港怡東酒店地庫

電話:2837 6782

富豪香港酒店Regal Hotel Hong Kong富豪金殿 Regal Palace

朋友想食中菜,我就帶佢黎依度,食過幾次水準也不差

雖然服務員推介PER HEAD既餐,但係唔太HUNGRY,所以都係散叫

金湯珍珠魚蓉羹$88左右一位,賣相依舊好靚,一粒粒個D應該係麵粉,加上嫩滑魚肉,個BASE黃色唔知係咩,但飲落幾清甜

$78 蒸蟶子,叫了2隻一人一隻,份量中等,當然無海鮮店個咁大碌,蒸既火侯不錯,肉爽身,加上甜豉油和蒸一定好食.但粉絲份量少左一點,我總係覺得食呢類野食粉絲先係精華

會員卡有6折既百花炸蟹拑原價$118 2隻,6折後82.6

蝦肉很彈牙,和豬肉比較很平衡,內有少少肉汁,水準不錯

但前面個D都唔夠呢個好食,就係花膠魚湯什菌浸時菜煲,好似$188

勁多花膠,湯就係魚湯,加上胡椒味,甜而帶辛辣,花膠軟身不漿口

又有不少菜心,2個人每人分到5個小碗,飽到喊

會員卡本身75折,所有野折後$590,價錢合理,環境清靜,水準不錯

但有樣好攪笑既事,食完後我和朋友去小解,佢拎埋個袋走,我就放係個位度打算完事後先拎
我朋友仲同我講,你估下佢地會唔會以為你唔記我拎個袋,結果事情真的發生了
不過他們盡責是好事,但我又唔會咁霸氣唔記得拎,因為入面有銀包,文件等等我只係放心呢度先唔帶埋去小解姐

富豪金殿 Regal Palace

地址:銅鑼灣怡和街88號富豪香港酒店3樓

電話:2837 1773