最後一站帶大家看看任食的一人一鍋！就是金沙城喜來登的鮮。
先講解下價錢。。。。今次食左中午的＄２３８／位，問題係要加＄６８先有任飲（果汁，汽水同埋茶啡類），任飲任食原價就是＄３０６。用ＳＰＧ會員卡有８折！（呢張卡是免費申請的）。折實再加１％是＄２７５。４！不過我回酒店先知道可以用呢張卡，中左伏。
湯底有７款。。。我簡左胡椒豬肚，但係係個鍋度只係得一粒豬肚，胡椒味道是比較淡。看來湯底略為弱。
醬汁超多選擇的，仲有雞蛋拎用來沾牛肉就最Ｏ岩。當中以車厘蜆最正，勁為鮮甜，咬落去係會爆汁的，是整餐最美味的選擇！ 其他配料如牛羊豬雞，丸菜麵豆品之類都會有齊，無咩亮點，亦唔算好高質量。
能夠獲米豬蓮的推介，可能係因為地方比較企理，食物水平穩定之類既因素而獲讚，醬汁既選擇亦都真係好多，可能７成都唔會有人用。
澳門的美食分享到今天就暫停一會，多謝大家支持。
評分（１０分為滿分）
食物：６。５（車厘蜆很捧的）
服務：６（服務效率不算是酒店級水平）
環境：７（中國式餐館風格）
性價比：７（大約３百元酒店餐廳的任食價算是抵的）
鮮 地址： 金沙城中心喜来登酒店地面
電話：８５３ 8113 1200
歡迎各位粉絲繼續推介餐廳比我去試試～
＊＊如喜歡我發佈的內容請多多讚好和分享唷
沒有留言:
張貼留言