悅來酒店的自助餐

悅來酒店(熊貓酒店)既自助餐,早就想去試試,但因為評語好壞參半,雖價錢略便宜但水準成疑,而且之前我係呢度叫過海南雞飯食中左伏,所以一直無行動.直至收到酒店公關誠意邀請,好啦,等我來挑戰一下~跟據資料顯示,價錢為$418

依家佢地做緊香港懷舊主題,相信會有一點港式小炒之類.的確,整晚最美味既就佢避風塘炒蟹同埋炒蝦,兩者都係要經過排幾次隊先成功爭取,實在唔容易~前者辛香惹味,蟹算新鮮肉厚,如果可以再多點蒜香和加蔥來炒更佳.後者蝦肉爽口調味簡單而能提鮮.另外有街頭小食炸蘿蔔餅呢樣我係街邊都搵唔到黎食.碗仔翅就唔少得啦.味道中規中矩.其他食物大家自己睇吧.威靈頓牛柳千萬不要拎,水準有問題,但可以食燒牛肉.生蠔係美國蠔,唔係我杯茶.剌身以三文魚最穩陣,其他不建議選擇.蟹腳都唔錯.

甜品無咩空間試,只係最後食左個Dreyer's雪糕芒果味,果味幾濃郁唔太甜唔錯~最後帶埋你們送既蛋糕回家食,係熱情果味,簡單而美味!多謝~整體黎講,以四百頭呢個價錢來評論,食物選擇都算多,只係食客比較瘋狂,略為好味和貴少少既食物要排幾轉先食到.食物水平唔算低,只係有部份ITEM比較恐怖.希望比到意見你地,祝生意興隆~雖然個場已經爆到喊.

悅來酒店咖啡室 Panda Café 

地址:荃灣荃華街3號悅來酒店3樓 

電話:2409 3218 

價錢 午餐： 星期一至日及公衆假期 12:00-14:30 價錢： 星期一至五: 成人$ 198 / 小童$ 168 星期六,日及公眾假期: 成人$228 / 小童$188 晚餐 ： 星期一至日及公眾假期 18:00-21:30 價錢： 星期一至四: 成人$418 / 小童$318 星期五至日、公眾假期及公眾假期前夕: 成人$448 / 小童$348