澳門喜來登金沙城中心酒店的自助餐

上次介紹左香港喜來登既自助晚餐,大家可能都覺得幾正. 今次同樣品牌,味道大不同,係我2015年食過最恐怖既自助餐排第一位~就係澳門既喜來登~餐廳名為盛宴.

今次試左中午自助餐,價錢為$218,有85折優惠. 首先呢個價錢,都唔會有幾大期望,但佢地有一些基本上間間都有既野都無,例如刺身.另外壽司就只有卷物,冷盤海鮮只有蝦和青口. 見到咁既格局,就走去試試其他食物,全部都做得唔好食,所有熟食都食左一ROUND,但係真係無一樣野可以推介得落.好多熱食都OVERCOOKED,味道又古怪. 你見到我影既相,其中都唔多,但係都基本上影哂所有野物.

如果你要我簡一樣比較好食既,我會推介佢地既青口,都幾大隻既.另外會推介係牛扒後面既燒番茄仔,都幾多汁既. 除非唔洗錢.如果以呢個質素....請我都諗諗.同行的有一個形容詞句講得好好,佢話--咁似唱K 既LUNCH BUFFET既

盛宴Feast 

地址:路氹城望德聖母灣大馬路澳門喜來登金沙城中心酒店1樓 

電話:853 8113 1200 

自助午餐：港幣 218 

自助晚餐：港幣 418+（星期一至六）/ 港幣 498+（星期日）

澳門金沙城中心假日酒店HOLIDAY INN MACAO COTAI CENTRAL

如果去澳門唔想比咁多錢過夜,又想住番連鎖品牌酒店,相信就只有呢間金沙城假日酒店...盛惠900蚊一晚(價錢好海鮮,可以平更多).唔包早餐 

房間老實說不太大,空間感不算很好,設備齊全,而且有軟硬枕頭任君選擇,呢項服務唔係間間酒店有,值得一讚. 早餐可選擇史力加大餐,$238 一位,好貴所以無試~賣點係可以同史力加,功夫熊貓之類一齊玩.不如我收番佢$238 一位玩番佢地就差唔多呢.(我其實心中好想試,但只係唔想比錢). 如果想住豪o的,呢度應該唔太合適,但都過得去既~

澳門金沙城中心假日酒店HOLIDAY INN MACAO COTAI CENTRAL 

地址:澳門路氹連貫公路 

電話:853 2828 2228

香港洲際酒店InterContinental Hong Kong的大堂酒廊Lobby Lounge

今次我黎到呢間外表舊到核爆既洲際酒店(如想看近照可看最後一張相),搵到我夏天最涼快既食物,就係雪糕漢堡包.

老實說本身我想食正常漢堡,但係見到呢幾款咁可愛既雪糕漢堡就忍唔住了.呢個款叫AMERICAN CARAMEL CHOCOLATE COOKIES BURGER$210 ~ 呢個價錢絕對足夠2個人食,因為連我都食唔哂...大大個漢堡,夾住超厚雪糕,而呢個雪糕入面混入左好多NUTS,唔太甜,口感又豐富,實在一流!係切起來比較麻煩. 仲有類似西班牙小油條,可以沾沾那個芒果或姐紅莓醬食.外脆內軟爽歪歪. 食完呢個真係飽到依世都唔想再食甜品.強烈建議2個人來挑戰,抵食過ENGLISH TEA

大堂酒廊 Lobby Lounge 

地址:尖沙咀梳士巴利道18號香港洲際酒店大堂 

電話:2313 2323

澳門喜來登金沙城中心酒店Sheraton Macao Hotel Cotai Central的喜柏Palms

又中伏...今次係澳門喜來登既喜柏見到一個名字十分吸引的食物----XO醬叉燒芝士撻(Quiche).咁就二話不說點了一個,加一杯由TWG既茶葉沖出既冰茶.杯野係貴過個撻既.好啦一打開佢神秘既內餡,好似幾豐富既.一食落去....完全沒有芝士味,就只有蛋味,我期望係兩者二合為一...叉燒好硬之餘又乾,至於所謂既XO醬就消失左.好在杯冰茶真係爽,佢地配埋杯石榴汁,好清新,茶味濃而不苦,又夠果香!茶葉夠靚真係唔同o的.

喜柏 Palms 

地址:路氹城望德聖母灣大馬路澳門喜來登金沙城中心酒店大堂 

電話:853 8113 1200

沙田凱悅酒店Hyatt Regency Hong Kong Sha Tin的咖啡廳 Cafe

減肥中伏系列--打算呢幾日食得清淡一點,就隨意叫個廚師沙律食下.雖然好足料,牛扒,火腿,芝士,雞胸同蛋樣樣有,但係重點係菜得四塊,唔通係生菜包......仲要配埋個好不開胃既甜甜版千島醬,雞胸又石頭化,芝士又唔香.早知回家食麥皮啦.最好味係杯青檸茶~~茶味夠濃

我明白廚房沙律都係菜少肉多,但係呢度既比例真係低左一點點

咖啡廳 Cafe 

地址:沙田澤祥街18號沙田凱悅酒店大堂 

電話:3723 7952