我叫聰聰的酒店網誌: 7月 2014

2014年7月28日星期一

Rexona 止汗劑試用分享

最近收到Rexona既止汗劑,十分開心因為夏天真係好O岩我用,雖然每天早上出門前都會噴香水,但係幾小時後都難敵天氣既入侵.對於我呢種身型既人來講,大汗係好合理既,但求唔好臭就行.Rexona既產品剛好輕盈地放入袋,拎出街用,唔洗袋香水

2支既作用好似有點唔同,藍色既會有乾爽冰感,加上比我感覺到係做完運動用會比較爽快一點

黃色既極速乾爽就好似幾O岩我,因為個香味有點似香水,無咁SPORTY

有開關BUTTON係細心既設計,撥去左面就LOOK住,右面就可以解鎖.我放係個袋度碌黎碌去都唔怕

每個人用止汗劑既時間都唔錯,我就鐘意係一個又焗又熱既時候拎出黎,例如巴士站.噴兩噴,即時乾爽左,又唔會太過剌激皮膚,重點係夠哂香,好似補左香水既感覺.上到巴士唔怕臭死人.之後出汗既情況又可以改善到.

Rexona 止汗劑

銷售點:周圍都有

2014年7月21日星期一

全港第二位---香港文華東方酒店

聽說文華Clipper Lounge BUFFET好正,又鮑魚又聖子龍蝦樣樣齊,聽到都想笑

但係呢排食得太多BUFFET,所以今次和朋友只係食個TEA
上次HYATT既水準可以話係人生食過最好的,可惜係服務員無笑容的冷漠面容打動不了我
我亦聽說文華酒店既海南雞飯也很出名,但好似係新加坡個間
呢度海南雞索價$268

A LA CARTE MENU食物選擇都幾多,但係有睇開我食評都知,通常都係要叫個海南雞飯先夠霸氣

下午茶當然有女士最愛ENGLISH HIGH TEA,$488 2位

主角出場,用上一個幾精緻既盤放食物,幾有型

雞肉不鞋具彈性,雞味屬中上,雞皮亦很香.但相對上就唔夠滑溜
雞飯粒粒分明有咬口,雞油雖不算很多,但當然每粒也有濃郁雞油香,香料味不突出,但飯身比較乾
雞湯味道也很濃郁和天然,但略為咸左一點
以貨比貨來講,都係HYATT既比較好,但呢度也不差

有樣野呢度很有優勢,就係服務水準

服務員有禮有笑容.我食得慢,服務員會過來問用不用幫你加熱?係唔係唔好食?
而廁所亦係有酒店業中碩果僅存既服務員,洗完手比毛巾你

那麼用心,難怪文華咁受歡迎

全港第二最佳就是你

快船廊 Clipper Lounge

地址:中環干諾道中5號香港文華東方酒店閣樓

電話:2825 4007

5星級酒店出品就要255蚊,味道上是值回票價
麵包一般,味道差別不大
油飯粒粒極具香味,雞油十足,富彈性,缺點是份量唔夠多,建議多一點,因為太美味
雞肉也算滿意,雖然雞肉不夠滑,但係彈性十足,雞味也足夠
3色醬固然合格
最喜出望外是那個湯,飲下去就是極重雞味的老火湯FEEL,完全是真正雞湯既演繹
但係,服務員太COOL了,我唔期望有皇帝級享受,但係起馬有少少笑面近人呀,點解全部都無?
你知道HYATT邊個最好笑容和服務?就是的士站的服務員,他好似叫SIMON,我未見過這麼有笑容的人,完全同他們是2個世界,我係度坐過4次的士,今次要表揚佢

無問我要脾位定胸位,扣分

以味道來說,一定係全港第一位

君悅咖啡廳 Grand Cafe

地址:灣仔港灣道1號君悅酒店大堂

電話:25847722

全港第四位---九龍香格里拉酒店的海南雞飯

根據維基百科既解釋,香格里拉呢組詞係解讀人間樂土,而香格里拉只係小說裡虛構出來.我實在唔相信我成日都會去既酒店個名只係老吹出來.但有去過呢度既人都知,香格里拉既服務和環境水平其實係有樂土既級數,絕對唔係得個吹字,五星級酒店應有既佢地都齊

雖然係LOBBY LOUNGE,但係好多客人會係呢度HIGH TEA和進食,當然飲野既朋友都唔少.身為酒店海南雞飯殺手既我,點會放過香格里拉

順帶一提,呢度女仕最愛既HIGH TEA由2PM-5PM,價錢為$388 2位,WEEKEND同HOLIDAY仲有 TEA BUFFET$308

等左約半小時先出場既海南雞飯$255,當然見到飯既色水比較白,心中有種伏感,但係食落去,那種雞油香還是存在,不濃不淡,中庸之道,飯粒不油膩.食開重口味既我略嫌淡一點.但係雞肉就為加左好多分數,份量十足,雞脾雞胸加埋起馬有13件以上既雞肉,而且夠肥,肥得黎有彈性,亦都帶點嫩滑,而且隻雞本身SIZE都好大隻.配上甜豉油,切到勁碎無咩渣既薑蔥蓉同甜酸帶少少辛辣度既辣醬,實在感到幸福.如果以雞既角度,佢呢度比HYATT更佳,但係計埋飯,都係HYATT優異一點

湯既味道係以雞味為主,雞味濃郁,加左菜絲同豆腐粒落去,無咁膩,咸度也不低
食完呢個飯,始終知道叫香格里拉.因為可以享受到美食,服務,令人身心舒暢,只要唔好記住係度消費左幾多錢就可以

看看大大件彈牙既雞肉喔,十分美味.

Lobby Lounge大堂酒吧

地址:尖沙咀麼地道64號九龍香格里拉大酒店大堂

電話:2733 8740

2014年7月18日星期五

深圳富苑皇冠假日套房酒店Crowne Plaza Hotel & Suites Landmark Shenzhen

有時候係深圳要搵間有水準既集團式管理酒店住一晚都不便宜,但係呢度就算係唔錯,就係深圳富苑皇冠假日套房酒店Crowne Plaza Hotel & Suites Landmark Shenzhen.皇冠假日呢個品牌唔會太過高檔次,但係又有高水平服務見稱,性價比高.是日入住既只係最平既高級客房SUPERIOR ROOM,價錢約$1400HKD連所有費用一晚,WIFI免費就必然.有齊健身室和泳池

行去國貿站約10分鐘