南洋酒店 South Pacific Hotel的君好餐廳Grill Café

很久沒有食牛扒，就想起一家無咩客人，又不太貴的西餐廳。。。就是南洋酒店的君好餐廳。

基本上我相信好多粉絲連南洋酒店（３星級）都未聽過。。其實就係銅鑼灣時代廣場附近。。我就喜歡食這裡的石燒，平平地質素還可以，選擇＄１９８的肉眼，連薯菜，飲品和沙律。加＄３０有埋湯和蒜蓉包。但按奈不住加了＄６８蚊飲個青口蠔湯，幸好味道不錯，很足料的。其實石燒同佢煎埋既分別我真係唔知係邊，可能就係分別在我地屎忽癢要自己控制生熟度。技術超然的我就煮到３成熟就食了。唔知餐廳還不還健在，酒店網站進不了。。。

南洋酒店 South Pacific Hotel的君好餐廳Grill Café

地址：灣仔摩理臣山道23號南洋酒店2樓

電話：2572 3838

澳門置地廣場酒店Landmark Macau

好啦，又轉一轉酒店，繼續以１０００蚊樓下為底線～ 上次那家葡京大家覺得如何？

今次就簡左置地廣場酒店，如果星期日至四去訂最便宜的房間，只需約＄６６０ＨＫＤ，實在是抵玩的～ 地點在新口岸區。方不方便就要看看大家的行程～

縱使係六百幾蚊既房，也有不錯的配件，如浴室的用品就是L'OCCITANE～床很軟綿綿～應該睡很好，今次大家不用擔心我會唔會有鬼鬼掛。 也有ＨＡＮＤＹ ＰＨＯＮＥ可以隨便用，現在很多酒店都配備！ 還有雪櫃有４罐飲品是免費，大家記住要飲光光。 酒店ＬＯＢＢＹ就不太像樣，感覺比較細，服務員也有點怪怪。 另外上房要轉１次升降機才能上，所以比較麻煩～（可能會比較安全） 我覺得是對得起６百多元～

澳門置地廣場酒店Landmark Macau

地址：澳門友誼大馬路五五五號

電話： +853 2878 1781

葡京酒店Hotel Lisboa

澳門之旅準時開始了～今次我為左大家銀包著想而住左幾間１千蚊樓下既酒店，希望幫大家慳下錢。

訪澳最好是星期日至四，酒店房會便宜一點。首先出場，就係要住下有Ｎ年歷史既葡京酒店。佢既房價係大約＄７３０就可以住到標準房。但今次我就有點幸運，升級左去唔知咩套房，升級係有個原因，就係因為葡京酒店既無煙房比較少，無房就自然要升級吧。

雖說是套房，但唔會話非常大，裝潢還有種舊舊西洋風。葡京最可愛的地方是個浴室，每一個房間都有這種按摩的浴缸，還要有一條黃帶寫住已消毒，有點像兇案現場。按摩裝備都唔識用又沒有教學，還是放棄。幸好有ＨＥＲＭＥＳ的沐浴用品，實在高檔次，一定拿回家吧～我覺得去澳門，必定要住一住葡京，雖然同新起既酒店有點距離，但的確有種風味的。而且價錢還公道，交通亦算方便喔～另外粉絲們之前問我有沒有鬼鬼，我住既時候感受不到還好。明天去周圍搵食唷～

葡京酒店Hotel Lisboa

地址：澳門葡京路2-4號

電話：853 2888 3888