香港文華東方酒店Mandarin Oriental Hong Kong

（好耐無食自助餐！）（去了文華～）其實文華既自助餐一向都係我最愛之一唷，因為通常都無伏。。而且服務係非常捧，呢一點係好多酒店都做唔到～

現在價錢是＄６２８（閒日價）。海鮮係呢度既賣點～因為有齊哂鮑魚，蠔，龍蝦同蟹等等，真係唔係間間做得到～食物選擇不多，取餐地方不大～剌身方面沒特別的款，但今次食既時候覺得吞拿魚有點不太新鮮。服務員問我食物滿不滿意，我就說吞拿魚怪怪，他就特別叫廚房做一碟吞拿魚花花給我。雖然味道都係咁上下，但都叫做聽了意見既。。

其他熟食沒太大印像～亮點不多。甜品就有很多靚靚，但試了很少因為已經飽飽。。。飲品沒包一杯很可惜～散叫一杯青檸茶清清口腔就夠了。。綜合來說，文華的寶號還是有水準的～

香港文華東方酒店Mandarin Oriental Hong Kong

Clipper Lounge

地址：中環干諾道中5號１樓

澳門金麗華酒店Grand Lapa Macau的蘫Naam

次次去澳門都打風既） （初嚐金麗華酒店裡的米芝連餐廳蘫ＮＡＡＭ ） 本身上次來呢度住係想回味下個自助餐，但唔知幾時先復活，出面打風唔知食咩好，就試一下佢地既泰菜餐廳蘫ＮＡＡＭ的出品吧。。。 地點就在泳池旁。。

 服務員用泰語和英語，好彩我識沙挖啲吸和篷肋罐。 ＄１０５柚子蝦沙律，用左好多柚子肉，柚子很甜，感覺很ＦＲＵＩＴＹ，醬汁係以甜辣為主，很開胃～ 再來飲番個冬陰公蝦湯＄１００～這個湯很足料的，蝦肉好幾隻，檸檬草下很多，充滿香料味，充滿層次的～ 還點了幾味。。。真係想像唔到自己食左咁多野

主菜出場了，叫左個泰式牛扒！這是第一次試這種泰式風情牛扒。比起傳統既牛扒。。。呢度會燒到比較係全熟既感覺，但食起來就沒有鞋鞋的！肉味也比較突出。醬汁選了黑胡椒，辛辣度很低比較溫和～沒有影響到燒得香香的牛扒味道。

但我覺得最捧既竟然是芒果糯米飯！＄１０５首先係個賣相很好，百雪雪那邊既糯米飯成隻兔仔咁～另外芒果切得很有美感，提子都要玩到咁樣樣！糯米飯調味不太甜，對我來講是剛剛好的甜，片一舊芒果包住舊飯好似壽司咁食就行了。這家泰國菜也不錯，希望下次再黎澳門時金麗華個自助餐復活吧。。。

蘫Naam

金麗華酒店Grand Lapa Hotel

再來遊澳門住７百多元一晚的酒店系列）（繼續尋找高性價比酒店）上次介紹了幾家高性價比的酒店，大約都是７百多元內，不知道大家覺得怎樣。

這次再到澳門，就選擇了金麗華酒店（舊文華東方酒店），就在金沙酒店附近。對比起上一次的住宿，房間裝修了，更有現代感～入住價約＄７００。可能是剛裝修不久，我覺得所有設施都很新淨，以這個價錢入住到呢種質素，真是很不錯。雖然房間遺失了古代感覺，幸好在酒店大堂繼續就是依舊不變的歷史味重的歐陸葡味。本身想再回味一下呢度既自助餐，但係裝修中，太可惜了。不過還是可以到其泰國菜館試一試，明天分享一下！

深圳維景酒店Metropark Hotel Shenzhen

如果大家都喜歡在東門周邊食野，又唔想浪費金錢住高檔酒店。。。 不妨去哂布站呢間維景酒店度宿一宵吧！（如果想住好少少，可以選擇老街站的ＨＹＡＴＴ ＰＬＡＣＥ） ＄４５０左右ＨＫＤ就可以住到，房間很大的！是有房有廳的格局。住３個人應該不成問題。 當然，這個級數的酒店，不要期望太多！但地鐵站一出就能到達這種感覺，相信一般旅客應該最滿意的。 下星期再帶大家食多幾間餐廳～晚安喔

深圳維景酒店Metropark Hotel Shenzhen

地址：中國广东省深圳市罗湖区东门中路2088号（哂布站）