澳門JW萬豪酒店JW Marriott Hotel Macau

好耐無寫酒店既野,今次就分享下澳門既JW萬豪酒店啦,上次閒日入住價錢大約$1300連所有稅項服務費等等,(都係o個句,依家澳門靜過鬼,房價極海鮮).簡佢都係貪佢新開無耐呢~~ 

房間唔算好大,床亦比較上略為細張左少少~飲品除了水外要比錢,大家別亂飲,可喜係有咖啡膠囊是免費,即刻整番杯先. 基本設備當然齊全,馬桶有電動廁板~~我估唔到既地方係...已經有功能壞左(廁板自動拍上). 

洗手盤上既螢幕可以播電視,比你浸浴時有野睇下~ Room Service餐牌其中有一項叫宵夜$208,有齊麻婆豆腐,豉油王大蝦,紅燒辣牛肉,牛柳炒河同白飯,好似好正同好抵食,如果大家入住時不妨叫一個試試. 入住記住要玩埋佢地個泳池~~出名夠大~ 結論:如果銀河同萬豪價錢差不遠既話,當然簡萬豪啦仲洗諗咩.. 另外我有食到佢地個中午自助餐,遲番幾個月再分享下~

JW Marriott Hotel Macau澳門JW萬豪酒店 

電話:853 8886 6888

澳門星際酒店StarWorld Hotel Macau的大堂酒廊Lobby Lounge

輕鬆一下飲杯cocktail先~~呢杯Kiss and Tell~好大杯,飲完好暈呀救命,酸酸甜甜好開胃,不過空肚真係唔可以飲咁多,好似醉醉地. 再食番件無技術可言既芝腿治,唯一可取係芝士是半溶和用上車打芝士. 如果你問我點解簡星際的LOBBY LOUNGE,我會答你因為貪佢夠便宜,杯野飲$68,食物$55

大堂酒廊 Lobby Lounge 

地址:宋玉生廣場皇朝友誼大馬路星際酒店大堂

廣州聖豐索菲特大酒店Sofitel Guangzhou Sunrich

上次入住廣州既聖豐索菲特大酒店,果然好有法式情調(其實未去過法國,都係吹下水姐).唔知點解房間個設計好有同情侶先好入住既感覺 

整體設計幾優雅,浴室個Bath tub size剛剛好夠我用,亦有Lanvin既用品,都算幾高級既.我住呢間大床房價錢約$850 一晚,以咁既質素,都叫做對得住觀眾有突了. 間房可以再大點就好了,空間感唔算好,因為佢地既擺設比較多.簡索菲特呢個品牌果然無中伏~~(暫時)

Sofitel Guangzhou Sunrich廣州聖豐索菲特大酒店 

地址:廣州市天河區廣州大道中998號 

電話:86 20 3883 8888

再入住！

去廣州，住ＳＯＦＩＴＥＬ真係穩陣～～價錢很公道，而且不算貴吧，相對上好過住ＬＯＣＡＬ的５星酒店。仲有自動翻牆！上ＦＡＣＥＢＯＯＫ無問題～另外住套房先會有ＨＥＲＭＥＳ淋浴用品，一定要拎番屋企先得！