港島英迪格酒店Hotel Indigo Hong Kong Island的Cafe Post

無無聊聊探索灣仔系列--Hotel Indigo既Cafe Post,有可能係全灣仔最靜既酒店餐廳,雖然正值中午時間,但係真係得我地2個包場.無所謂,最鐘意做白老鼠. 

Set Lunch由$150起,包前菜同埋飲品,算係抵食既.我叫左個雞胸拼薯菜,前菜就簡左沙律~(仲可以簡蜜瓜拼火腿或湯) 坦白講,個沙律最好食~燒南瓜同埋紅菜頭好甜,好新鮮,淋點黑醋汁夠哂開胃!簡沙律係明智之選~ 主菜個樣就好衰...呢舊雞胸我用咩角度都影唔靚,加埋食落唔夠Tender 和 Juicy,Cajun味又唔夠,可以話只屬一般貨仔.朋友叫既牛扒反而唔錯. 

如果係呢頭搵食怕等位既,可以考慮一下呢度

Cafe Post

地址:灣仔皇后大道東246號港島英迪格酒店2樓

電話:3926 3880

香港君悅酒店Grand Hyatt Hong Kong的君悅咖啡廳 Grand Cafe

上次去台灣既遺憾,就係無食到牛肉麵...雖然香港都有得成,但係為免中伏,決定先去Grand Hyatt食番碗像樣的,滿足下我既旅遊慾. 

牛肉係半根半肉,入口鬆軟,煮得入味,實在無得彈.湯底就夠濃郁,飲落去就係覺得足料,若果藥材味可以多一點就更完美~麵條很索湯,好味道.可以再彈牙一點就更佳(可能近期食得拉麵太多,食咩鬼都要彈牙) 好啦,食飽飽,錢包光光了,無得去台灣,只有行去銅鑼灣吧.

君悅咖啡廳 Grand Cafe

地址:灣仔港灣道1號君悅酒店大堂

電話:2584 7722

澳門銀河酒店的自助早餐

有粉絲問我銀河早餐值唔值得食,咁我就分享下啦,如果你BOOK房唔包早餐就要看看喔~$148蚊一位 

比較有特色既係有EGG BENEDICT~但係無左面頭既荷蘭醬,但係隻蛋無煮過龍,還是有流心之效,不錯.食埋上比較多中式,有蝦餃燒賣和鳳爪等等,鳳爪是最美味的,煮得入味夠哂香!蝦餃個皮有怪味,好似有點椰子味... 另外當然有位廚師比你任點煮蛋,我就叫佢整左個OMELEYTTE,8分熟又有蛋汁,蛋味又濃,沾少少豉油就已好美味呢. 其他食物無咩特別.

結論係$148 來講既酒店自助早餐唔算貴,還是值得一試既.

群芳 Festiva

地址:路氹城澳門銀河綜合渡假城購物大道東地下G19號舖

電話:853 8883 2221

價錢

早餐 (上午7時至10時30分)

$148

金麗華酒店的自助餐

答應過大家一定要分享番上次係金麗華酒店既自助晚餐,因為真係幾正!$328 一位~6:30食到10:00,性價比高,可以同金沙比起來~

愛海鮮同魚既朋友一定唔會失望,有齊龍蝦生蠔蟹身蟹腳,回本必備!剌身當然有,而且都幾新鮮!但令我覺得驚喜係現場會有一堆魚,你可以自己去簡,再吩咐廚房煮,你想點煮就點煮,夠哂新鮮,經過我幾次既測試,蒸同炸係最好味~

熟食水平有高有低,推介的不算太多,每樣食少少都已經飽哂, 有即煮麵檔~ 另外飲品自己整任你飲,當然要飲番幾杯凍檸茶走甜先可以解解膩. 重點係食客不算多,食物又不錯,實在值得推介喔!

薈景閣咖啡廳 Cafe Bela Vista

地址:新口岸友誼大馬路956-1110號澳門金麗華酒店2樓

電話:853 2856 7888

價錢

星期五至日 6:30-10:00PM

自助晚餐:$328成人 /$164小童