我叫聰聰的酒店網誌: 5月 2015

2015年5月31日星期日

澳門銀河酒店Galaxy Macau

最近澳門新開既萬豪,RITZ CARLTON同埋百老匯酒店固然係熱話,但係我都係選擇左銀河酒店,因為一樣未住過.

約1300HKD一晚,除左雪櫃飲品免費,水任飲同冷氣任嘆外,仲有一個杯麵同薯片.話就話免費,但係除左水以外不會REFILL~所以如果你想享用佢所有飲品既話,住完一晚後可以考慮轉第2間房再入住.(以上攻略只限我呢類窮人使用) 床很大也很軟綿綿,浴室玻璃記住落簾免得被偷窺~花灑水速和溫度也好舒服.浴缸當然有,還有絲瓜絡去死皮.

每一層也有自動售賣機和冰粒製造機. 房間舒適冷氣算穩定,整體還算幾好喔.遺憾是沒有包早餐.每位$148要自費...

澳門銀河酒店Galaxy Macau

地址:澳門路氹城望德聖母灣大馬路

電話:853 2888 0888

2015年5月26日星期二

諾富特東薈城酒店Novotel Citygate Hong Kong的Olea

血戰東薈城,雖然得個吉,但一場黎到,就搵下有咩餐廳值得一試.見到呢間位於Novotel入面既Olea,寫住係地中海菜,就決定做下白老鼠. 餐廳超靜,成晚都無2成客,傾計一流,加上服務員幾好服務,值得一讚.

得2個人,就隨意樣樣叫下~餐包雖然無咩特別,但係附上橄欖和蒜頭,服務員話可以磨下蒜頭放係油醋汁度沾包食,效果不錯,但係我呢o的咁霸氣既人,就梗係原粒隊啦.

頭盤叫左炸菇,夠香口,又多汁,脆漿有調味幾特別!值得一食!另外個蒜片蝦就普普通通. 呢度既意粉自稱係自家製,所以為左尊重佢地,叫左個最貴既$278既龍蝦帶子寬麵配辛辣蕃茄汁.足料,龍蝦肉彈牙鮮甜,意粉Al Dente得來有點蛋香.都幾好食喔. 再來個$238炖羊腿,炖得夠軟身,不過個調味無咩特式.其實食羊都係要燒先好食,不過為左就下朋友,都無所謂呢~

Olea

地址:東涌文東路51號諾富特東薈城酒店大堂

電話:3602 8818

2015年5月25日星期一

澳門銀河酒店Galaxy Macau的鹿港小鎮 Lugang Café

這店子算係銀河酒店入面比較便宜既餐廳之一,而且仲打著台菜旗號,就決定試一試看看餐牌,覺得不算太像台灣菜,反而有點大雜錦FEEL,姐係中港台混合不要緊,最緊要味道.

$68 台式炒飯和炒米粉味道一般,下了甜甜的醬油去炒,但味道略為單調,亦欠缺炒的香氣. $68 麻婆豆腐,夠辛辣,豆腐夠滑 $148 椒鹽倉魚,這個味道不錯,起肉後再炸,外面夠脆,內裡魚肉夠嫩,而且無骨啖啖肉食得夠爽快,亦有下九層塔之類的香葉.之不過椒鹽要自行沾,不能同意這個做法. $28 珍珠奶茶茶味不夠香濃,略甜,幸好珍珠煙韌果腹無妨,隨意一食,別太大期望

鹿港小鎮 Lugang Café

地址:路氹城澳門銀河綜合渡假城地下G05A號舖

電話:8883 2221

2015年5月24日星期日

珠海全季拱北口岸店Quanji Zhuhai Gongkou Bei'an

這間國內連鎖式酒店以性價比見稱,雖然便宜但是聽說風格統一.只是三百元港幣就可以住一晚雙床房實在化算.但問題卻不少,首先冷氣系統非常有問題,基本上完全感受不到冷風,熱到不能休息,亦不能調整溫度,實在難以接受.另外浴室有蟑螂,嚇怕我們了.唯一可以讚賞的是房間設計簡潔

珠海全季拱北口岸店Quanji Zhuhai Gongkou Bei'an

地址:珠海市拱北桂花南路40号

2015年5月21日星期四

九龍華美達酒店Ramada Kowloon Hotel

這個品牌一向走下價路線,但並不等於差.一晚只是需要約6百元的港幣,實在便宜.因為你在尖沙咀想找一間美麗的酒店不難,但想找有水準的便宜酒店卻很難,這裡幫到大家. 房間有齊一般設備,空間不大,但不算迫人.特別合適留港一晚左右的客人,可以留下更多資源去購物,不用破費在住宿. 附送早餐,味道和選擇很一般.有免費WIFI

九龍華美達酒店 Ramada Kowloon Hotel

地址:九龍尖沙咀漆咸道南73-75號

電話:2311 1100

2015年5月19日星期二

香港喜來登酒店Sheraton Hong Kong Hotel & Towers的大堂酒廊 Lobby Lounge

今日真係熱到不得了,係無太陽既情況下,o的汗真係流唔停,就算有冷氣,都總係覺得唔夠爽.. 路經喜來登,入去Lobby Lounge坐低,叫杯野消消暑.見到餐牌有驚喜---Winter Promotion買一送一(仲係Winter...),簡左o個杯Frozen Lychee Daiquiri$100因為潮流興Frozen.50蚊1杯,唔係貴Starbucks好多姐.

結果不負眾望,就係一堆雪,凍入心,好似飲緊荔枝沙冰咁,即時止止熱.當然會有點苦澀酒精味,但整體還是好有果味