港島香格里拉酒店Island Shangri-La Hong Kong的高美食店 Island Gourmet

就來到勞動節,買了一盒港島香格里拉大酒店既MACARON獎勵一下自己~~雖然係酒店出品,但係價錢一粒約$25蚊(唔記得左),唔算貴呢,有些品牌要$35蚊以上呢.

佢地既款式就只有幾款,十分務實.我就簡左最正路既朱古力,熱情果,橙同埋雲尼拿.味道全部都好傳神,絕非古怪化學味.特別愛熱情果,那種又酸又甜既風味實在一流.最重要係外脆,內有煙韌濕潤既口感!

不過有樣野好古怪,就係佢地整到粒粒都唔太工整,買既時候我問服務員點解,佢地話個師傅就係全人手做,粒粒不一樣.管他的,最緊要好食

高美食店 Island Gourmet

地址:金鐘金鐘道88號太古廣場2座港島香格里拉酒店5樓

電話:2820 8550

澳門銀河酒店Galaxy Macau的水簾 Cascades

其實呢間LOBBY LOUNGE我都成日來,因為價錢同味道都好合理. 今次食點輕食,叫左個凱撒沙律配香辣大蝦$98,海南雞飯$105 

沙律撈得均衡,沙律菜夠爽,醬汁是甜甜地那種口味,雖不是我最愛口味,但起馬不是用普通沙律醬溝出來那隻味道.我認為要是咸中帶蒜香的醬汁是最好的.但佢地整個幾隻大蝦就非常好,用上不少卡真粉,好香辛,又炒得夠爽口,真係生色不少. 海南雞飯是加了醬油那種風格,是希望將冰鮮雞提味,這裡做得不錯,雞肉亦算嫩滑.雞油飯既雞油味中等,飯粒不夠乾爽是美中不足.這個價錢十分抵食

水簾 Cascades

地址:路氹澳門銀河綜合渡假城地下G03&G05號舖

電話:853 8883 2221

W酒店W Hong Kong Hotel的星宴Sing Yin

與朋友到了W酒店既星宴飲茶,聚一聚舊.跟據我既經驗來講,W酒店既食物水準一向都不算好高水平.但係呢間酒店勝在有無敵海景和時尚設計,總有捧場客.

而呢度既點心定價不算太貴,而且有好幾款都可以每一位咁樣,大大增加靈活度.即使SET了是3粒既款式,亦可以叫2粒!今次叫左好多個名好似好正既點心,如和牛燒賣,蟹粉金魚餃,石蠔春卷等等,但係都不能與呢個澳洲鮑魚餃相比.

呢粒澳洲鮑魚餃$38一位,o個粒鮑魚食落去真係超濃鮑魚味,而且好有口感,比我既感覺就好似食緊一粒迷你乾鮑咁,無得頂!食完點心,仲叫個$288薑米蟹肉炒飯食,食起來就是普通,味道亦略淡.只是不過不失.起馬今次W酒店呢間中餐廳比到我不錯既印象呢~

星宴Sing Yin

地址:尖沙咀柯士甸道西1號香港W酒店1樓

電話:37172848

澳門銀河酒店Galaxy Macau的葡軒Gosto

呢次係我第二次來到銀河酒店既葡軒.而今次呢間葡國菜餐廳已經獲得米芝蓮推介.上次既經驗話比我知,呢度食物,服務同環境都不錯,亦都唔了解客人卻很少,基本上唔洗BOOK位. 

今次同樣,LUNCH TIME入去,客人半滿.三道菜SET LUNCH$188,不包飲品,隨意叫杯SANGRIA飲一飲,點知原來我個杯LEMON SANGRIA係無酒精,總係差點野,但係幾喜歡落左少少苦既檸皮落去既感覺. 前菜簡左辣汁大蝦,雖然隻蝦真係唔係好大,但係個辣汁真係好香,蝦肉入哂味,其實個汁就咁配麵包食仲正,好似白酒煮蜆既玩法咁. 

主菜簡左非洲雞,呢度既非洲雞無咁甜,椰絲既份量不多,幾合我口味.個樣無咩殺傷力,但係辛辣度不低! 甜品簡左蘋果批,勁香肉桂味,餅底又夠脆,青蘋果又夠酸,夠哂BALANCE~ 感覺上未必係好傳統既葡菜,但係o岩我口味先最重要

葡軒Gosto

地址:路氹城澳門銀河綜合渡假城購物大道東地下G21號舖

電話:853 88832221

澳門金沙酒店的自助餐

澳門最抵食自助餐,我諗金沙既888美食天地一定係排第一~因為只係$278,用賭場卡免加一,爽!

我認我係貪平,但係食物真係唔錯,有麵包蟹,蟹腳,不過無蠔.麵包蟹既膏真係多到喊,同人SHARE比較好.食物選擇亦都唔太多,熟食比較出色既有羊架,都幾嫩滑!另外HAM配火腿都係無敵組合.三文魚剌身夠肥美.

如果要數缺點有無飲品任飲,亦無一般既即煮粉麵檔.但呢個價錢我好滿意!

888 美食天地 888 Gourmet Place

地址:新口岸友誼大馬路澳門金沙娛樂場2樓

電話:853 8983 8222

價錢

香港麗思卡爾頓酒店The Ritz-Carlton Hong Kong的大堂酒廊The Lounge & Bar

今日天氣雖然唔係太晴朗,但係只要搵個靚位,都有另一番味道. 首選當然係RITZ CARLTON啦,無敵海景,心曠神怡.黎呢度最緊要訂位,如果唔係無景睇. 

THE LOUNGE AND BAR在102樓,中午有自助沙律吧,都係$228一位.但係對於愛集郵既我黎講,都係要叫番個海南雞飯先得. 擺設好靚,個三色醬做得出色,特別係辣醬,唔止辣,仲係超有辣椒味.雞肉彈性和嫩滑既比較為中等,不算好上等既級數. 油飯亦唔係全是雞油,混了不少香料,飯粒粒分明,算是好貨色.但個湯有怪味,接受唔到. 味道不能超級GRAND HYATT,但個景又贏哂了

大堂酒廊 The Lounge & Bar

地址:尖沙咀柯士甸道西1號香港麗思卡爾頓酒店102樓

電話:2263 2270