新濠鋒酒店Altira Macau的帝影樓Ying

最怕去飲茶,因為要等位.吸引到我去食既,就係地方要夠靜,先食得舒服!今次去到新濠鋒酒店既帝影樓,品嚐下精緻既點心. 

$52小籠包皮夠薄汁夠多,湯汁有鮮甜既感覺,正喔!特別喜愛佢用擺設,感覺有中國風.$58蝦餃大大粒,足料,食落勁爽口! 

但呢餐最欣賞既係$52雀巢帶子角.賣相好靚,炸得香脆又唔油膩,入面大大粒帶子同埋有重口味肉碎!比起一般既芋角類更加細緻! 

最貴當然係一碟豆苗$168,大大碟夠哂份量,而且好嫩口! 加上無敵海景,賞心悅目喔! 

雖然無咩食客,但係不等於味道差.相反見到好多豪客係度叫左好多野食,但係食少少就唔食,十分浪費... 無論有無錢都好,都應該要珍惜食物喔

帝影樓 Ying

地址:花城區廣東大馬路新濠鋒11樓

電話:853 2886 8868

香港怡東酒店The Excelsior Hong Kong的Cammino

最近食得多自助餐,今次轉下口味,食半自助餐先.選址係怡東酒店既Cammino.第一次試呢個意式既半自助餐,看看有咩分別先

$278 一位,任食部份沙律,Ham同埋意式既小食.呢度既Ham好好味,夠哂咸同香,哈蜜瓜又夠甜,真係食唔停.個蛋批就唔太識欣賞,因為入面既配料總係突出唔到個蛋味,反而係覆蓋左.

主菜海鱸又夠嫩同多肉,最愛佢個外皮,煎得夠脆!下面塊珍寶菇又係爆汁之選.

但呢餐最令我驚喜係個餐湯,唔係味道問題,而係個碟,真係好大隻,顯得o的湯好少.當然個湯好清甜,飲出蔬菜既原味我好欣賞喔

最後既Creme Brulee亦都唔馬虎,面頭糖夠脆,入面夠滑唔太甜!

雖然唔算便宜,但換取到良好食物質素和服務態度,還是值得的

Cammino

地址:銅鑼灣告士打道281號香港怡東酒店1樓

電話:2837 6780

半自助午餐

星期一至六(12:00-2:15)

價錢:278

柏寧酒店Park Lane Hotel Hong Kong的George & Co. 大堂酒吧

放假比上班更累,是香港人的Style,我都唔例外.睡眠之前飲杯以花雕做既雞尾酒,名字叫Tang Dynasty,酸酸甜甜又有中國風,非常爽快.另外隻杯個造型都比較新穎...

飲雞尾酒配咩食物最好?梗係生果盤啦....值得一讚係生果全部都好甜

George & Co. 大堂酒吧

地址:銅鑼灣告士打道310號柏寧酒店地下大堂

電話:2839 3377

香港四季酒店Four Seasons Hotel Hong Kong的The Lounge

正所謂一日之計在於晨,到底要食個咩早餐先夠霸氣呢?我諗左好耐,終於決定到去四季酒店既Lounge食番件烤和牛Hanger Steak$195.大約5安士左右既份量剛剛好,唔會太過份.牛肉味超濃,而且生熟度完全符合我要求.肉汁亦都幾多.由於係Hanger Steak,所以唔會肥,o岩哂擁有多舊腹肌既我.

伴碟仲有薯餅同埋雜菇.呢種食出一梳梳薯絲既薯餅實在太美味,仲帶點微脆! 另外$75凍檸茶都有細心之處,就係連冰都係用茶做,咁就可以慢慢爽. 飲完都唔夠喉既時候,仲可以叫杯$75是日果汁飲一飲,一杯價錢仲可以任飲添. 食完真係充滿體力喔!

The Lounge

地址:中環金融街8號香港四季酒店大堂

電話: 3196 8820

香港君悅酒店Grand Hyatt Hong Kong的君悅咖啡廳 Grand Cafe

HAPPY NEW YEAR!祝大家健健康康!心想事成呢~另外都多謝各位既支持

由於放假既關係,度度都係人,所以唔知介紹咩好.但鐘意食米線既我,就決定食個終極美味價值$255既龍躉斑片米線.佢地話個湯係用番龍躉既骨煲出黎,飲落特別鮮甜!加埋豆腐,芫茜同菇既化學作用下,更有層次感.  龍躉斑片肉厚之餘好結實,有少少彈彈地,o岩哂怕魚骨既我.魚皮仲好有彈性添!  飲哂o的湯都唔過份!

君悅咖啡廳 Grand Cafe

地址:灣仔港灣道1號君悅酒店大堂

電話:2584 7722