柏寧酒店The Park Lane Hong Kong a Pullman Hotel的Ebb & Flow

asdsdasda聖誕過後，要同大家講聲。。明天大家準時番工啦～～去到裝修後既柏寧酒店，飲杯ＭＩＳＳＵＮＤＥＲＳＴＯＯＤ。。即係一杯飲得醉既青瓜汁。。有種飲沙律既感覺。。。大家晚安了，早點休息。。

Ebb & Flow 

銅鑼灣告士打道310號柏寧酒店地下 

電話:2839 3377

澳門星際酒店StarWorld Hotel Macau的Temptation品味坊

就到聖誕節啦～～我唔會推介任何聖誕餐，因為實在太貴了，通常節日我都唔外出消費既。但都寫下一些靚少少既野食啦。今次試左呢間餐廳，係星際酒店入面既ＴＥＭＰＴＡＴＩＯＮＳ品味坊，試佢因為又係米豬蓮話係正。 最特別的係呢個變種ＴＩＲＡＭＩＳＵ＄６８～～一酒味香濃，而且變左一ＰＡＴ野，好ＣＲＥＡＭＹ，加上底底的薄脆，口感更佳。＄１５８海鮮飯夠ＲＩＣＨ，＄１６８凱撒沙律雞柳嫩滑。但係唔明點解個沙律貴過個飯。食物不錯～難得既係又係無咩客，夠清靜，食得夠開心。

Temptation品味坊 

地址：澳門友誼大馬路星際酒店16樓 

電話：8290 8688

都市綠洲

前幾日獲邀去左基督教家庭服務中心創辦既都市綠洲。。。有好多花花草草，我都好耐無接觸過咁多植物。。。

呢度既特色係你可以租塊迷你田來耕種，我見到在場有好多人都好認真咁樣看待佢地既寶貝。特別係長者呢，可以有個寄托。而且仲有園藝治療，對於一o的工作繁忙、心情容易煩燥、缺乏自信等等既人黎淨化心神，放鬆放鬆。如果香港地可以有多o的呢種地方，唔洗去郊區都可以感受下大自然都唔錯呢。

有興趣既粉絲可以參考下面既資料呢～～大家去呢度親親大自然前，大家記住噴定蚊怕水，或者帶幾個O型血既人一齊行喔。。另外唔好亂咁攪人塊田呀，係一塊田都係人地既心血喔。

地址：九龍觀塘道2號A (麗晶花園側)
網站：http://www1.sereneoasis.org.hk/index.do
電話: 2718 3008

澳門JW萬豪酒店的自助餐

答應大家分享既澳門萬豪酒店LUNCH BUFFET，上次星期日食，＄268 1位（五至日的價錢） 細味之下，我搵到三個賣點喔。 

第一個係豉椒炒魷，薑蔥龍蝦魽好食～～醬汁提鮮味，肉彈牙，生熟度剛剛好。 第二係即包片皮鴨，皮脆夠薄，油脂豐富，食不停（但唔建議食多過２舊，好滯） 第三係有任飲鮮榨果汁同埋咖啡茶，凍奶茶之類，首推蜜瓜汁，之後係奇異果汁，原汁原味，仲飲到果肉。

另外生果款式都好多～ 其他食物雖然無咩特別，有一樣比較差既係師傳即拉既拉麵，食落去麵條太軟了，不過大致上食物質素已經遠遠超越金沙城同埋銀河。但係唔知點解竟然唔爆場。。

名廚都匯 Urban Kitchen 

地址：路氹城澳門銀河綜合渡假城澳門JW萬豪酒店1樓 

電話：8886 6228

價錢

香港銅鑼灣皇冠假日酒店Crowne Plaza Hong Kong Causeway Bay的Kudos

銅鑼灣既皇冠假日酒店,係2014年既時候比較出名,主要因為蘇絲黃既茶包事件.而呢度既自助餐就長期做團購,建議大家黎呢度之前上網研究一下~~

本身想試試自助中午餐,但由於無買團購既關係,為免正價食完自感不爽,所以都係散叫,叫個薄牛扒麵包$200,加杯青檸茶$65~~薄牛扒7分熟,底下有焦糖化既洋蔥,仲有類似蜜糖芥末醬,牛扒面鋪了芝士,係半溶的情況下,整體味道很夾~~個包略為韌左一點,其實我覺得牛扒包應該配方包最正~~附上少量蔬菜和薯條,一定食飽飽.薯條如果可以多點調味更佳,有時候原味薯條食到好悶.青檸茶茶濃,走甜是常識~

呢度勝在無咩人,靜靜地HEA下還不錯,食物亦不差.如果粉絲們食過呢度既自助餐,記住報告比我喔

Kudos 

地址:銅鑼灣禮頓道8號香港銅鑼灣皇冠假日酒店1樓 

電話:3980 3000