六國酒店Gloucester Luk Kwok Hong Kong的Lobby Lounge

祝大家聖誕快樂!係呢o的西方節日既情懷下,都係食下西餐應下節.周街都係人,是但入去六國酒店既LOBBY LOUNGE食個晚飯.

我就叫左個牛柳(RARE),貪佢夠血淋淋同埋嫩.識食一定食RARE.配埋個青椒汁,淡淡地既醬汁可以令到牛味更濃郁.  加埋個廚師沙律,肉仲多過菜,有點本末倒置.飲埋杯女性最愛LONG ISLAND,沉醉於輕鬆氣氛之中.  心情好,幸運自然來

Lobby Lounge

地址:灣仔告士打道72號六國酒店地下

電話:2866 3808

富豪東方酒店Regal Oriental Hotel富豪坊Regal Terrace

去到九龍城既富豪酒店食中餐,2個人隨意叫個$428 PER HEAD既餐.貪佢樣樣都有,燕窩鷓鴣羹,鮑片海參,黃金蝦,黑松露野菌星斑球和杏汁燉雪蛤.咩動物都有齊哂,係無咩菜姐. 

其中以黃金蝦就得最好,一來隻蝦大隻之餘好彈牙,蛋黃汁微咸帶脆包著隻蝦好香.又唔會好油膩!不過有堆奶味蛋白做墊底就唔識欣賞. 

除左星斑球外,其他食物都好似女人滋補恩物咁,其實唔太o岩我食.鮑片同海參煮得非常稔,無牙都食到,好無FEEL.. 整體味道不差,服務員既水平以酒店角度就只屬一般.

富豪坊 Regal Terrace

地址:九龍城沙浦道30-38號富豪東方酒店2樓

電話:2132 3456

如心艾朗酒店L'hotel élan的自助餐

係觀塘區工作,打算找個安靜既地方食LUNCH,心中目標就只有如心艾朗酒店,因為一定有位!酒店人客應該會少一點,o岩哂我呢o的孤獨精呢度既半自助餐由$208至$2XX不等,看看選擇什麼既MAIN.如果不食MAIN,就百多元可以落樓!但係細食既我,當然要簡海南雞飯啦$248 

頭盤類都係沙律,生果類為主,亦有少少凍肉如火腿.溫泉蛋是個比較特出既選擇,做得真係幾流心,個黃好香,不過無咩調味,建議可以配上星馬式黑醬油和胡椒. 

煙三文魚夠哂油潤!配上清淡沙律菜是個好選擇.如果唔係食肉獸,其實可以食菜食飽飽 

 海南雞飯份量不少,個飯以香料味為主,隱若FEEL到一點點雞油香,飯粒帶少少煙韌,合格.  雞肉就不夠滑,而且彈性亦不足,可能隻雞唔靚.不過起馬個飯合格,我就已經滿足.  

甜品以一酸一甜做平衡,JELLY果味好香,果酸可以消消滯.朱古力BROWNIE就甜中帶膩,要飲杯茶先可以消滅到  好在包餐飲一杯,不算好便宜但係係呢區根本無其他選擇,所以係個唔錯既地方!  信用卡有9折,即係埋單$248.食完又再工作去!

Forte

地址:觀塘創業街38號如心艾朗酒店2樓

電話:3968 8222

半自助餐

價錢:由208起

時間:12:00-2:30

葡京酒店Hotel Lisboa的澳門四季火鍋舊葡京店Shiki Hot Pot Restaurant

凍冰冰,又係火鍋既時間.身處澳門既話,一定去一去四季火鍋(葡京酒店分店).一黎呢度既價錢好公道,二黎配料好新鮮.第三就係性價比一定高過香港既火鍋店.

今次就點左個野菌鯊魚骨湯底,用左好多乾菇,比起鮮菇更濃.

必叫既有九肚魚超大條,好飽滿!食落超滑溜!香港少見咁大碌!

另外呢度既手打系列同樣出色,魚麵超彈牙!蝦滑就好足料,食到粒粒蝦肉得黎又好鮮甜爽口! 牛粒油脂豐富,肉味香濃,9成熟就最佳!

澳門四季火鍋舊葡京店Shiki Hot Pot Restaurant

地址:澳門葡京酒店舊翼地下

電話:28345333

九龍海逸君綽酒店Harbour Grand Kowloon的海逸軒Hoi Yat Heen

約了朋友到此飲茶  有無敵海景,但係無我份(無位比我)  UPLOAD點心MENU比大家看  酒店餐廳來講呢度算平了

叉燒蜜味足,肉質鬆化,唔錯,誠哥酒店出品既叉燒都不太差

蝦餃無MSG,味道天然帶少少蝦的甜,爽,包得夠扎實,GOOD!中間個粒好難食,唔知同蝦餃有咩關係

最絕係呢個帶子豉油皇炒麵,帶子軟滑,炒麵彈牙,豉油味強勁,十分香濃,又唔油,又夠乾身,無缺點的一道炒麵.同出面唔同既係個麵底

楊支甘露夠滑,但甜左一點!

點心功夫好,又無MSG,炒麵都咁正,下次看來要來過(希望有海景位)

海逸軒Hoi Yat Heen

地址:紅磡德豐街20號九龍海逸君綽酒店2樓

電話:2996 8459

香港萬麗海景酒店Renaissance Hong Kong Harbour View Hotel的大堂酒廊 Lobby Lounge

最近公司就是這裡,今日特意來8下有咩食除了BUFFET 看到LOBBY LOUNGE有LUNCH SET,由118-158不等,包1杯野飲.加30蚊仲可以任食甜品

我就簡了CORN SOUP,佢真係ROAST過D CORN,亦唔知係咪咁,好香甜,很RICH,加埋PARMA HAM的咸味中和,變成1個好好味的CORN SOUP,正

主菜就簡了LAMB LOIN,RARE.雖然唔係太似RARE,但係都TENDER,肉味不夠濃,但調味用了辛辣的蕃茄汁提味,十分惹味,個汁仲好天然.配角茄子無咩味,但撈埋個汁可以接受既 

有賣相有水準,價錢仲大眾化 但份量未必夠我食

大堂酒廊 Lobby Lounge

地址:灣仔港灣道1號香港萬麗海景酒店大堂

電話:2802 8888 / 2584 6983