J Plus Hotel by Yoo的江戶日本料理Edo Japanese Restaurant

江戶係澳門有多間分店,多在酒店中開設,以高檔次做定位,食客當然係追求享受之士.最近佢地係香港開左分店,身為勇者既我當然要去試下,體會下澳門過江龍既質素

LUNCH SET由$168起有交易,但要食剌身,當然要叫$338既特上剌身御膳,有前菜,湯,蒸蛋,甜品或餐飲

一個人當然坐壽司BAR好似開心點

新開張無耐,人客不多

首先送上沙律,蒸蛋和前菜

沙律菜新鮮爽脆,麻醬酸中帶麻香,但汁比較少,要下多點才行.蒸蛋有水準,滑得來重蛋味,亦加左蝦和雞肉,十分鮮甜.前菜係類似一些菜絲,帶甜

由於天氣十分熱,所以另叫了飲品伴食.燒酒加檸汁$75,姐是日式COCKTAIL,酸中帶甘甜,十分迷人,飲飲下有點暈

之後就送上剌身,以呢個價錢來講十分足料,首先包含了海膽和拖羅和牧丹蝦.另外亦有左口魚,三文魚,金目鯛和深海池魚.還有一款忘記了,明明前幾日係第二間都有食過.

最令我深刻既當然係拖羅,入口慢慢溶掉,肥美吞拿魚脂的確醒神.海膽味道濃郁,沒有異味,其中中片有點溶,有少少失望.但係一牧丹蝦又挽回信心,正所謂牧丹蝦下死,做鬼也風流,蝦夠CREAMY和甜度,又厚肉,爽呀,可惜蝦頭無咩膏.  另外那些剌身味道係要慢慢細嚐才可感到其甜味和魚鮮,除了本身濃味既三文魚.除了蝦外,每款都有2件,十分豐盛喔

飯粒十分彈牙煙韌,飽滿,口感十分佳,用來配美味既剌身一絕.亦有牛蒡,蘿蔔等漬物伴飯.

最後送上甜品,係自家製既類似丸子和魔芋既物體,丸子好似湯丸既東西,綠茶味不夠香濃,但清清地配埋魔芋既物體,不太甜,作為飯後甜品算不差.

埋單原價$454.3,用了佳景卡找數88折後$405,份量和味道都算不錯,係個唔錯既體驗

江戶日本料理Edo Japanese Restaurant

地址: 銅鑼灣伊榮街1-5號 J Plus Hotel by Yoo 1樓

電話:2643 3033

帝苑酒店The Royal Garden Hotel帝苑餅店 Fine Foods

路經帝苑,必到Fine Foods潮聖,雖然從不是愛甜品之士,但有時候我都會買甜品回家,當係練習下影相

$39 Exotic Delight

樣子有趣,面頭有2條蘆薈但係無切皮,所以唔食了.白雪雪既類似CREAM狀包圍住內裡既菠蘿和奇異果肉,味道好熱帶,酸酸地好清香開胃,底層蛋糕則帶甜,中和酸度.咁TROPICAL o岩哂我

帝苑餅店 Fine Foods 

地址:尖沙咀麼地道69號帝苑酒店大堂 

電話:2733 2045

香港麗思卡爾頓酒店The Ritz-Carlton Hong Kong的Pastry Gems

係九龍站除左型格既W HOTEL,當然唔少得高貴既RITZ CARLTON.雖然我不太喜愛甜品,但一有機會,都習慣睇下依家甜品出到咩花款.呢度既甜品選擇不多,但係都幾可愛,有時候係間咁靚既酒店,一個人坐低食件CAKE,飲杯野,真係自我陶醉左

見到有件放左粒咖啡豆樣既東西係面,一定係咖啡味蛋糕,引起我既興趣

同一時間,有一款係係附送一支好似牙膏既物體都好趣致,但理性話比我知都係買咖啡那件穩陣

$55 IVORY COFFEE,字面譯象牙咖啡,另叫一杯$65 LIME SODA走甜.

約五層既設計有齊軟滑既咖啡朱古力MOUSSE,CREAM,朱古力片,類似NUTS既物體和底層脆脆既疑似粟米片狀.而面頭粒咖啡豆原因唔係咖啡豆,係一粒閃令令既朱古力糖膠物體.無錯,我心底裡就係比呢粒野吸引左.

整體咖啡味出眾,亦不太甜,亦有香濃朱古力味,口感上有脆有軟,都算係一件幾豐富屠次既蛋糕.LIME SODA夠汽,夠冰涼,LIME JUICE落得夠多,當然係FRESH,十分FRUITY,大口大口飲落去十分開胃,配上蛋糕一流喔
香港人,放鬆一下吧

Pastry Gems

地址:尖沙咀柯士甸道西1號環球貿易廣場香港麗思卡爾頓酒店9樓

電話:2263 2230

東隅East Hong Kong的Feast (Food by EAST)

雖然我唔認同食凱撒沙律係可以清腸胃,但至少可以令到自己感覺得有食過菜,吸收過纖維和維他命,總算係個早餐唔錯既選擇

$95 ,配上大大塊煎雞胸,肉質嫩滑,軟諗美味,我懷疑是不是煎出來,有點似SLOW COOK既風味, 

咁TENDER既雞胸真係世間少有,雞皮略脆,帶雞油香.沙律菜沾滿咸咸酸酸帶蒜香既醬汁,另外 

加了煙肉麵包芝士碎,簡直係比食肉更加爽快.所以食呢碟野只可以幻想係食過菜,其實同食肉無 分別.仲要飲杯$95 Mai Tai,甘中帶甜,甜中能嚐少少檸檬酸,但整體苦澀感係十分成熟的 重點係,呢個只係早餐

________________________________________________________________________

有時候係呢度食野有樣好,就係MENU選擇不多,令到有選擇障礙既朋友可以迅速落單,同萬麗個MENU有得FIGHT係意大利類入面,見到紙包焗白酒青口.鮮蜆.香辣扁意粉$175,好似幾吸引,用紙包好似好有型

結果真係幾型,包到好似麵包咁,用叉吉開,見到大量既蜆和青口,十分足料,有少少白酒香氣散發出黎,意粉份量就幾少.個白酒汁真係幾香,吸收左蜆和青口既鮮甜,最緊要係無沙,但係欠左點咸味,有點美中不足.而意粉亦係焗過既情況下比較軟身,但係又不去到無口感那種,算係合格.同埋辣度只屬BB級,建議再重手一點吧

Feast (Food by EAST)

地址:太古太古城道29號東隅1樓

電話:3968 3777

金域假日酒店Holiday Inn Golden Mile的夏利吧 Hari's at Golden Mile

呢間在Holiday Inn的酒吧,裝潢好柔和之餘仲好有家中的感覺,仲有部大電視,所以好容易係度

釣魚.如果飲多2杯,真係係咁先

$95 Singapore Sling,用了Gin同Cherry Brandy,加上酸酸的果汁,飲落去好熱帶FEEL,苦澀

度不高,都算係幾易入口.Happy Hour買一送一,咁飲法真係暈暈地

免費伴酒小食都係雜豆花生薯片組合.如果可以加些自製食物就更加好.

由於那堆小食完全不合我口味,所以叫個Nachos$110 伴酒,大堆頭粟米片加上Sour Cream和

Guacamole同埋我最愛既墨西哥青辣椒,又酸又辛辣,好惹味.當然唔少得芝士既化學作用,將所

有食材合成一體呢

飲飲下真係有點頭痛,係時候撤退

夏利吧 Hari's at Golden Mile

地址:尖沙咀彌敦道50號金域假日酒店閣樓

電話:2369 3111

全港第三位--香港萬麗海景酒店

我要宣佈,萬麗咖啡室既海南雞飯榮登我叫聰聰酒店海南雞飯第三位.

重溫一下過往排名

第一:GRAND HYATT

第二:文華東方

第三:九龍香格里拉

餐牌無見一段時間又唔同左,選擇仲多左.之前都係得2頁

海南雞飯$208,以萬麗海景酒店既級數來講,算係最便宜既一間

$55 凍檸茶

點解贏左九龍香格里拉?因為個飯好香,雞油味好強,油份中之餘又唔太肥膩,飯粒帶煙韌,較接近

GRAND HRATT那種,但雞肉方面就輸左.雞無咩雞味,幸好幾彈牙!湯以菜乾之類和雞湯煮成,清

澈而濃郁,咸度適中.三色醬中既辛辣醬夠酸夠辣!

點解排唔到第二?因為文華既服務真係無得頂囉

萬麗咖啡室 Cafe Renaissance

地址:灣仔港灣道1號香港萬麗海景酒店閣樓

電話:2584 6970

香港宜必思世紀軒Ibis Hong Kong North Point的The Restaurant

好多人會話係酒店食飯好貴又唔抵,其實百貨應百客,便宜同貴都各有所需.但如果數到最便宜既,

就一定係IBIS北角那間,首先好似成個FOOD COURT咁,但係好整潔,你可以自行去簡個海景位坐

下.另外飲品,餐湯係任你飲

除左是日LUNCH SET都係由$40蚊起,有那個Advantage Plus Card仲有9折,姐係變相免加1,真係

仲便宜過茶記.所以食客除左酒店住戶外,都有不少街坊係度搵食

不過咁,雖然任飲,但係個杯真係好細,應該叫左一口杯子...如果你口渴,你可能要不停行出行入.建

議換大杯比食客

不過我就對是日LUNCH SET興趣不大,最後簡左ALL DAY MENU中既W5餐---煙肉芝士漢堡包,伴

酸菜和薯角$55.件頭唔算好大,但相信足夠我食飽.

肉約9成熟,肉汁都算豐富,但略為油膩,有塊煙肉更加惹味,塊包沾滿肉汁,亦都係咁所以無咁乾.亦

有蕃茄和生菜係入面,可以話係一個簡單又美味既BURGER.加埋脆口既薯角和解油膩感既酸菜,十

分飽肚.

再自己沖茶凍檸茶走甜,清涼爽快,埋單連加1$62蚊,咁既價錢可以係酒店埋單,真係難以置信

The Restaurant

地址:北角渣華道136-142號宜必思世紀軒2樓

電話:2588 1111

如心南灣海景酒店L'hotel Island South的LIS Café

係人生路不熟既香港仔,見到一個古怪既入口,原來就係如心南灣海景酒店.咁就決定食個LUNCH

啦係呢度.

場內食客約8成滿,好彩仲有位招待我.呢度提供既係半自助午餐.由於呢個星期食左2餐自助餐,所

以都係食番個SET LUNCH,仲要寫住係Express添,98蚊就有瑞士汁牛河,湯,甜品和餐飲,好抵食喔

通常酒店沖既凍檸茶既紅茶味幾濃,呢度既都唔倒外,走甜先至係皇道

瑞士汁牛河份量認真不少,但係汁係沐上去,姐係濕炒,我總係覺得咁樣會失去那種鑊氣,所以有點

失望,但個汁都算幾甜美,又唔會太甜,牛肉鬆軟,與菜芯鋪滿炒河面又真係幾足料

排骨湯份量都不少,清清地有舊骨食下都算係咁,好過飲味精湯

甜品係JELLY,面頭放了RED CURRANT係我的賣飛佛.食飽飽就繼續係香港仔周圍遊喔.埋單

$107.8

LIS Café

地址:香港仔黃竹坑道55號如心南灣海景酒店P3

電話:3968 8833

港麗酒店Conrad的寶絲吧Pacific Bar

夏日炎炎,都係涼冷氣比較O岩我.係寶絲吧獨自坐下,靜靜又優美既環境十分舒適,配上強勁而

穩定既冷氣已經係最佳既享受.

打開MENU,見到有一杯西瓜汁叫Watermelon Cosmo$108,就試一試佢.同時間驚見寶絲吧果然係

一個高尚既酒吧,因為令費小食類最起馬都係食下生蠔,魚子醬,而唔係薯條.亦都因為咁既原因,

都係食下免費小食算了

Watermelon Cosmo就是一杯充滿酒精既西瓜汁,外表美麗,內裡火辣,既有西瓜天然果香,亦見

甜美,後有一種沉重既甘苦味一湧而出,令人愛不釋手.

再飲多口就會醉,所以要食一食免費小食,擺得十分精巧既盤中包含了西式Olive獨特既味道好

合適配合酒精飲品.另外亦有香港既代表熱浪薯片,夠哂咸香味辛惹味,仲有唔少得酒吧界長青

雜豆類飲幾口,食幾回,差點醉倒了,幸好還記得回家的路

寶絲吧Pacific Bar

地址:金鐘金鐘道88號太古廣場港麗酒店8樓

電話:2521 3838

萬豪酒店JW Marriott的大堂酒廊The Lounge

有時候真係幾霸氣,在金鐘想找個地方飲杯茶都難,特別係人流聚左係部份酒店

萬豪連個lounge都勁多人,好在咁O岩有人埋單,叫做坐到個風景位

其實咁多人,有無考慮係金鐘開多間萬豪

茶既選擇就極多,多到影唔哂,最後簡左Tropical Tresure亞熱帶寶藏$65,加個

BUFFALO WINGS$120 嘆一下

一陣果味傳入我的鼻,但我完全唔知係咩果,肉眼見到係3-4種左右既生果乾加上南美香草沖泡而成

飲落去小酸帶天然果甜,飲完好RELAX,帶著少女的情懷

但飲果茶有樣野比普通茶唔好,就係通常飲第2轉就無咩味,無茶葉咁耐用

但好在有火辣辣BUFFALO WINGS加強本人既陽氣,一客8隻,酸而帶辣勁,醬汁惹味,雞翼本身肉質嫩滑有

肉汁,無過份地煎炸,有番咁上下水準

出面好多BUFFALO WINGS炸到太乾,即使醬汁好,但係隻翼都無哂肉汁又乾鞋

就係咁,輕輕鬆鬆又幾粒鐘

萬豪酒店JW Marriott大堂酒廊The Lounge

地址:金鐘金鐘道88號太古廣場香港JW萬豪酒店大堂

電話:2810 8366